Ալիխանյան Գևորգ Սարգսի

Ալիխանյան Գևորգ Սարգսի
Алиханян Геворк Саркисович
Անգլերեն:	Alikhanyan Gevorg
Հայերեն:	Ալիխանյան Գևորգ Սարգսի
Ծննդյան տարեթիվը:	1897
Ծննդավայրը:	Թիֆլիս, Վրաստան
Մահվան տարեթիվը:	13.02.1938
Մահվան վայրը:	Կոմունարկա, Ռուսաստան
Համառոտ տվյալներ: Կուսակցական գործիչ:

Կենսագրություն

Ծնվել է 1897թ. Վրաստանի Թիֆլիս քաղաքում:

Կրթություն

• Սովորել է Թբիլիսիի Ներսիսյան դպրոցում։
• 1929թ. սովորել է ՀամԿ(բ)Կ Կենտկոմի մարքսիզմ-լենինիզմի դասընթացներում։

Աշխատանքային գործունեություն

• 1917-191822. աշխատել է կուսակցության Թիֆլիսի կոմիտեում։
• Բաքվում աշխատել է որպես քաղաքի շրջաններից մեկի կուսկազմակերպիչ։

• 1918-1920թթ. կուսակցական աշխատանք է կատարել Թիֆլիսում, Բաքվում:
• 1920-1921թթ.՝ ՀԿ(բ)Կ կենկոմի առաջին քարտուղար:
• 1921-1931թթ. կուսակցական պատասխանատու պաշտոններ է վարել Մոսկվայի Բաումանի, ապա՝ Լենինգրադի կուսշրջկոմներում:
• 1931-1937թթ. աշխատել է Կոմինտերնի գործկոմում:

Ձեռքբերումներ

• 1917թ.՝ ՌՍԴԲԿ անդամ:

Այլ

• 1918թ. Կովկասյան երկրամասային կոմիտեն նրան գործուղել է Լոռի:
• Բաքվի կոմունայի անկումից հետո մնացել է Բաքվում՝ որպես պրոֆեսիոնալ-ընդհատակյա աշխատող։ Հետագայում փոխադրվում է Թիֆլիս և այստեղ 1919թ. ընտրվել է Թիֆլիսի կոմիտեի անդամ ու քարտուղար։ Հենց այդ պաշտոնում էլ ձերբակալվում և բանտ է նետվել։
• Բաքվում խորհրդային կարգերի վերահաստատումից հետո 1920թ. ապրիլից նորից աշխատում է այնտեղ որպես Բաքվի կոմիտեի ագիտպրոպբաժնի վարիչ, իսկ տարվա վերջից աշխատում է Հայաստանում որպես ՀԿ(բ)Պ Կենտրոնական կոմիտեի առաջին քարտուղար։ Փետրվարյան ապստամբությունից հետո տեղափոխվում են Մոսկվա, որտեղ աշխատում է որպես կուսակցության Բաումանի շրջկոմի ագիտպրոպբաժնի վարիչ:
• 1923-1925թթ. աշխատել է Լենինգրադում՝ որպես Վասիլեօստրովսկի շրջկոմի կազմբաժնի վարիչ։ Լենինգրադի կուսակցական կազմակերպությունից որպես պատգամավոր, նա մասնակցել է կուսակցության XII և XIII համագումարներին։
• Լենինգրադում Ալիխանյանը ժողովներում և մամուլում սուր քննադատության է ենթարկել Զինովևին, որի համար վտարվել է մարզից և աշխատանքի ուղարկվել Սիբիր։ Այստեղ նա ընտրվել է Չիտա քաղաքի շրջկոմներից մեկի քարտուղար։
• Կենտկոմի որոշումով Ալիխանյանը 1926թ. հետ է կանչվել և նորից աշխատանքի է անցել Լենինգրադում՝ սկզբում որպես Վոլոդարսկու կուսշրջկոմի և ապա որպես Վիբորգյան կուսշրջկոմի կազմբաժնի վարիչ։ 1927թ. ընտրվել է կուսակցության XV համագումարի պատգամավոր:
• Դասընթացներն ավարտելուց հետո 1930թ. աշխատել է Բաքվում՝ որպես Բայիլովյան շրջկոմի քարտուղար, որտեղից և ընտրվել է կուսակցության XVI համագումարի պատգամավոր։ Համագումարից հետո նա աշխատանքի է ուղարկվել Տաշքենդ, որտեղ մինչև 1931թ. հունիսը աշխատել է որպես ՀամԿ(բ)Կ Միջինասիական բյուրոյի կազմբաժնի վարիչ։ Այնուհետև ետ է կանչվել Մոսկվա և աշխատել Կոմինտերնի գործադիր կոմիտեում՝ որպես կադրերի բաժնի վարիչ։ 1935թ. մասնակցել է Կոմինտերնի VII կոնգրեսին։ Այստեղ աշխատել է մինչև իր ձերբակալումը՝ 1937թ. մայիսը։
• Թիֆլիսի վարժարանն ավարտել է Անաստաս Միկոյանի հետ, միասին են դարձել դաշնակցական և միասին են դարձել բոլշևիկ:
• Ուսումնասիրել է օտար լեզուներ և գրել հոդվածներ:
• Անհիմն բռնադատվել է, հետմահու արդարացվել:

Նկարներ

• 

Մատենագիտություն

• Ալիխանյան Գ.Ս., Ինքնաքննադատության և ներպարտիական դեմոկրատիայի մասին, գրքույկ:
• Ալիխանյան Գ.Ս., Պարտիայի սոցիալական կազմի կարգավորման հարցերը, գրքույկ (Գևորգ ստորագրությամբ)։

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• Авакян С., Периханян Г. «Нерсисянисты (1824-1914)» // Ер., 1975.
• РЕАБИЛИТИРОВАННЫЕ ЖЕРТВЫ ТЕРРОРА.
• СОВЕТСКИЕ ПРАВИТЕЛИ АРМЕНИИ.