Աբրահամյան Բենիամին Լևոնի

Աբրահամյան Բենիամին Լևոնի
Абрамян Бениамин Левонович
Անգլերեն:	Abrahamyan Beniamin
Հայերեն:	Աբրահամյան Բենիամին Լևոնի
Ծննդյան տարեթիվը:	16.02.1913
Ծննդավայրը:	Արդահան, Արևելյան Հայաստան
Մահվան տարեթիվը:	04.03.2007
Համառոտ տվյալներ: Մեխանիկոս:

Կենսագրություն

Ծնվել է 1913թ. փետրվարի 16-ին Արևելյան Հայաստանի Արդահան քաղաքում:

Կրթություն

• Յոթնամյա կրթությունն ստացել է Երևանի Ալեքսանդր Մյասնիկյանի անվան միջնակարգ դպրոցում:
• 1931թ. ավարտել է Երևանի գեղարվեստական տեխնիկումումը:
• 1933թ. ընդունվել է ԵՊՀ ֆիզիկամաթեմատիկական ֆակուլտետ:
• 1935-1940թթ. սովորել է Մոսկվայի Մ. Լոմոնոսովի անվան պետական համալսարանի մեխանիկամաթեմատիկական ֆակուլտետում:

Աշխատանքային գործունեություն

• 1946թ.-ից՝ ՀԽՍՀ ԳԱ մաթեմատիկայի և մեխանիկայի սեկտորում որպես կրտսեր գիտաշխատող, գիտությունների ակադեմիայի տեխնիկական գիտությունների բաժանմունքի գիտական քարտուղար:
• ՀԽՍՀ ԳԱ մաթեմատիկայի և մեխանիկայի ինստիտուտում՝ ավագ գիտաշխատող, գիտական քարտուղար, բաժնի վարիչ:
• ՀՀ ԳԱԱ մեխանիկայի ինստիտուտում՝ բաժնի վարիչ:
• 1951-1980թթ.՝ ԵՊՀ դասախոս:
• 1965-1992թթ.՝ ՀՀ ԳԱԱ Մեխանիկայի ինստիտուտի առաձգականության մաթեմատիկական տեսության բաժնի վարիչ:
  • 1992թ.-ից՝ գլխավոր գիտաշխատող:

Ձեռքբերումներ

• 1961թ.՝ ֆիզիկամաթեմատիկական գիտությունների դոկտոր:
• 1965թ.՝ պրոֆեսոր:
• 1971թ.՝ ՀԽՍՀ ԳԱ թղթակից անդամ:
• 1996թ.՝ ՀՀ ԳԱԱ ակադեմիկոս:
• 1956-1991թթ.՝ ԽՍՀՄ ԳԱ տեսական և կիրառական մեխանիկայի ազգային կոմիտեի անդամ:
• Կառավարական մեդալներ:

Այլ

• 1920թ. ընտանիքը գաղթել է Ալեքսանդրապոլ, 1924թ. տեղափոխվել Երևան:
• 1941-1946թթ. ծառայել է բանակում:
• Աշխատությունները վերաբերում են ծռման և ոլորման, հարթ և տարածական, ինչպես նաև խառը եզրային ու կոնտակտային խնդիրներում զույգ շարք և ինտեգրալ հավասարումների, անվերջ հավասարումների համակարգերի մաթեմատիկական եղանակների կիրառման տեսությանը:
• Բ. Աբրահամյանը ՀՀ-ում առաձգականության մաթեմատիկական տեսության գիտական դպրոցի հիմադիրներից է և առաձգականության տարածական խնդիրների տեսության հիմնադիրը:
• Մասնակցել է բազմաթիվ միջազգային գիտաժողովների (ԳՖՀ՝ 1964, ԱՄՆ՝ 1968, Հոլանդիա՝ 1974):

Մատենագիտություն

• Абрамян Б.Л., Кручение упругих тел, М., 1963 (համահեղինակ).

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• Арутюнян Н. Х. и Абрамян Б. Л., Кручение упругих тел, М., 1963.
• Академия наук Армянской ССР: Персональный состав 1943-1983. Ер., 1984.
• Բենիամին Աբրահամյան, ՀՀ ԳԱԱ:
• Досье личности. АБРАМЯН Бениамин Левонович.