Ալեքսանդրյան Ռաֆայել Արամի

Ալեքսանդրյան Ռաֆայել Արամի
Александрян Рафаэль Арамович
Անգլերեն:	Aleksandryan Rafael
Հայերեն:	Ալեքսանդրյան Ռաֆայել Արամի
Ծննդյան տարեթիվը:	29.03.1923
Ծննդավայրը:	Ալեքսանդրապոլ, Հայաստանի Հանրապետություն
Մահվան տարեթիվը:	22.03.1988
Մահվան վայրը:	Երևան, Հայաստանի Հանրապետություն
Համառոտ տվյալներ: Մաթեմատիկոս:

Կենսագրություն

Ծնվել է 1923թ. մարտի 29-ին Հայաստանի Հանրապետության Շիրակի մարզի Ալեքսանդրապոլ (այժմ` Գյումրի) քաղաքում:

Կրթություն

• 1945թ. ավարտել է Երևանի պետական համալսարանի ֆիզիկայի և մաթեմատիկայի ֆակուլտետը:
• 1948թ. Ս.Լ. Սոբոլևի ղեկավարությամբ Մոսկվայի պետական համալսարանում պաշտպանել է թեկնածուական թեզը։

Աշխատանքային գործունեություն

• 1963-1978թթ.՝ ՀԽՍՀ ԳԱ Մաթեմատիկայի ինստիտուտի դիֆերենցիալ հավասարումների և ֆունկցիոնալ անալիզի բաժնի վարիչ:
• 1977թ՝ ԵՊՀ դիֆերենցիալ հավասարումների ամբիոնի վարիչ:
• 1978-1988` ԵՊՀ մաթեմատիկայի և մեխանիկայի ֆակուլտետի դեկան:

Ձեռքբերումներ

• 1962թ.՝ ֆիզմաթ գիտությունների դոկտոր:
• 1964թ.՝ պրոֆեսոր:
• 1965թ.՝ ՀԽՍՀ ԳԱ թղթակից անդամ:
• 1974թ.` ՀԽՍՀ գիտության վաստակավոր գործիչ:
• 1986թ.` ՀԽՍՀ ԳԱ ակադեմիկոս:

Պարգևներ

• 1974թ.՝ ՀԽՍՀ գիտության վաստակավոր գործիչ:
• 1986թ.՝ ԽՍՀՄ պետական մրցանակի դափնեկիր:
• «Պատվո նշան» շքանշան:
• Հայրենական պատերազմի II աստիճանի շքանշան:

Այլ

• Աշխատությունները վերաբերում են դիֆերենցիալ հավասարումների տեսությանը և ֆունկցիոնալ անալիզին:
• Հետազոտել է ոչ ստացիոնար եզրային խնդիրների լուծելիությունը Սոբոլևի տիպի մասնական ածանցյալներով հավասարումների համակարգերի համար:
• Ալեքսանդրյանի առաջադրած եղանակը հնարավորություն է տվել ստեղծելու լարի տատանման հավասարման համար Դիրիխլեի խնդրի սպառիչ տեսությունը:
• Ալեքսանդրյանը նոր ուղղություն է հիմնել դիֆերենցիալ օպերատորների սպեկտորային տեսության ասպարեզում, առաջ քաշել նաև ընդհանրացրած սեփական ֆունկցիայի գաղափարը:
• Նրա մշակումները հիմք են դարձել հիլբերտյան տարածություններում ինքնահամալուծ օպերատորների սպեկտրային տեսության ասպարեզում մի շարք ընդհանուր բնույթի արդյունքներ ստանալու համար:

Նկարներ

• 
• 
• 
• 
• 
• 

  Հայրենական պատերազմի 2-րդ աստիճանի շքանշան

Մատենագիտություն

• Ալեքսանդրյան Ռ.Ա., Ընդհանուր տոպոլոգիա, Երևան, 1979 (համահեղինակ):

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• ՌԱՖԱՅԵԼ ԱՐԱՄԻ ԱԼԵՔՍԱՆԴՐՅԱՆ - YSU:
• ՀՀ ԳԱԱ:
• Ռաֆայել Ալեքսանդրյանը մաթեմատիկական տոհմածառ նախագծում:
• Биография.Ру.