Աթայան Արշակ Գևորգի

Աթայան Արշակ Գևորգի
Атаян Аршак Геворгович
Անգլերեն:	Atayan Arshak
Հայերեն:	Աթայան Արշակ Գևորգի
Ծննդյան տարեթիվը:	20.06.1877
Ծննդավայրը:	Մեծ Թաղլար, Լեռնային Ղարաբաղի Հանրապետություն
Մահվան տարեթիվը:	1938
Համառոտ տվյալներ: Գրող, թարգմանիչ, մանկավարժ:

  Գրել է դրամատիկական երկեր, որոնցից «Սասունցի Դավիթ»-ը Արմեն Արմենյանը բեմադրել է նախ Թեհրանում (1922), ապա Ալեքսանդրապոլում (այժմ՝ Գյումրի)։ 1923 թվականին ընտանիքով վերադարձել է Հայաստան։ Ուսուցչություն է արել Երևանում, Լենինականում, Ստեփանակերտում։ Եղել է «Խորհրդային Հայաստան» թերթի պատասխանատու քարտուղար, լուսժողկոմատի բաժնի վարիչ, գյուղատնտեսական բանկի գլխավոր հաշվապահ[1]: Անհիմն բռնադատվել է, գնդակահարվել 1938 թվականին, հետմահու արդարացվել է 1955 թվականին

Կենսագրություն

Ծնվել է 1877թ. հունիսի 20-ին Լեռնային Ղարաբաղի Հանրապետության Մեծ Թաղլար գյուղում:

Կրթություն

• Սովորել է էջմիածնի Գևորգյան ճեմարանում:
• Սովորել է Ներսիսյան և Շուշիի թեմական դպրոցներում:

Աշխատանքային գործունեություն

• 1903-1904թթ. որպես սրբագրիչ աշխատել է «Մուրճ» ամսագրի (Թիֆլիս) խմբագրությունում։
• 1904-1907թթ. ուսուցչություն է արել Իրանի Սավրա գյուղի դպրոցում։
• 1907-1911թթ. ուսուցչություն է արել Նոր Ջուղայի դպրոցներում, ապա պաշտոնավարել ռուս-պարսկական բանկի Սպահանի բաժանմունքը։ Այդ տարիներին եղել է նաև քառաձայն երգչախմբի ղեկավար, մեներգիչ և դերասան՝ հյուրախաղերի եկած Սիրանույշի և Արմեն Արմենյանի խմբերում։

Ձեռքբերումներ

• 1935թ.-ից՝ ԽՍՀՄ գրողների միության անդամ:

Այլ

• Արմեն Աթայանի, Ռաֆայել Աթայանի և Ռոբերտ Աթայանի հայրը:
• 1898-1902թթ. ծառայել է ցարական բանակում։
• Իրանի Սավրա գյուղում գրի է առել Սալմաստի բոլոր 23 հայկական գյուղերի վիճակագրությունը, հավաքել ու գրի առել ժողովրդական երգն ու բանահյուսությունը։
• Առաջինը նա է թարգմանել Մ. Գորկու «Դանկոյի սիրտը», «Կլիմ Սամգինի կյանքը», «Սայրը», ինչպես նաև Օմար Խայամի քառյակներից:
• Թեհրանում (1921), Ալեքսանդրապոլում (1922) բեմադրվել է նրա «Սասունցի Ղավիթ» դրաման:
• Անհիմն բռնադատվել է, գնդակահարվել, հետմահու արդարացվել 1955թ.:

Մատենագիտություն

• Աթայան Ա.Գ., «Աալմաստ», տեղագրական ուսումնասիրություն, 1906թ:

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• ԵՊՀ Հայագիտական հետազոտությունների ինստիտուտ. Աթայան Արշակ: