Արզումանյան Անուշավան Աղաֆոնի

Արզումանյան Անուշավան Աղաֆոնի
Арзуманян Анушаван Агафонович
Անգլերեն:	Arzumanyan Anoushavan
Հայերեն:	Արզումանյան Անուշավան Աղաֆոնի
Ծննդյան տարեթիվը:	14.02.1904
Ծննդավայրը:	Կավարտ, Հայաստան
Մահվան տարեթիվը:	18.07.1965
Մահվան վայրը:	Մոսկվա, Ռուսաստան
Համառոտ տվյալներ: Տնտեսագետ, հասարակական գործիչ, ԵՊՀ ռեկտորներ:

Կենսագրություն

Ծնվել է 1904թ. փետրվարի 14-ին Հայաստանի Կավարտ գյուղում (այժմ՝ ՀՀ Կապան քաղաքի շրջագծում):

Մահացել է 1965թ. հունիսի 18-ին Ռուսաստանի Խորհրդային Հանրապետության մայրաքաղաք Մոսկվայում:

Կրթություն

• 1928թ. ավարտել է Մոսկվայի Պլեխանովի անվան ժողովրդական տնտեսական ինստիտուտը:
• 1935թ. ավարտել է Կարմիր պրոֆեսուրայի ագրարային ինստիտուտը:

Աշխատանքային գործունեություն

• 1937թ. օգոստոս-սեպտեմբեր՝ ԵՊՀ ռեկտոր:
• 1946-1952թթ. Բաքվի Ս. Կիրովի անվան պետական համալսարանում որպես դեկան:
  • Գիտական աշխատանքների գծով պրոռեկտոր
• 1953թ.-ից՝ ԽՍՀՄ ԳԱ Տնտեսագիտության ինստիտուտի փոխտնօրեն:
• 1956-1965թթ.՝ Համաշխարհային տնտեսագիտության և միջազգային հարաբերությունների ինստիտուտի տնօրեն:
• 1962-1965թթ.՝ ԽՍՀՄ ԳԱ տնտեսագիտության բաժանմունքի ակադ-քարտուղար:
• 1965թ.՝ ԽՍՀՄ ԳԱ համաշխարհային էկոնոմիկայի ու միջազգային հարաբերությունների ինստիտուտի կազմակերպիչ և տնօրեն:

Ձեռքբերումներ

• 1958թ.՝ ԽՍՀՄ ԳԱ թղթակից անդամ:
• 1962թ.՝ ԽՍՀՄ ԳԱ ակադեմիկոս:
• Լենինի շքանշան:

Այլ

• Գ.Ա. Արզումանյանի եղբայրն է:
• Հայրենական պատերազմի առաջին իսկ օրերից նա կամավոր մեկնել է բանակ, ծառայել մինչև պատերազմի ավարտը:
• Արզումանյանը հեղինակ է շուրջ 100 գիտական աշխատությունների, որոնցից շատերը լույս են տեսել նաև օտար լեզուներով:
• Եղել է ԽՍՀՄ Գերագույն խորհրդի պատգամավոր, Սահմանադրական հանձնաժողովի ու Ազգությունների խորհրդի արտաքին գործերի հանձնաժողովի անդամ, խորհրդա-ամերիկյան ինստիտուտի փոխնախագահ, Խորհրդային մեծ հանրագիտարանի գիտական խորհրդի, խորհրդային ու օտարերկրյա մի շարք հրատարակությունների խմբագրական խորհուրդների անդամ:
• Մեծ է Արզումանյանի ծառայությունը երիտասարդ գիտական աշխատողների պատրաստման գործում:
• Անուշավան Արզումանյանի անվամբ է կոչվում Կապան քաղաքի թիվ 2 միջնակարգ դպրոցը։

Մատենագիտություն

• Արզումանյան Ա.Ա., Տնտեսագիտական ընտիր երկեր, Եր., 1971:
• Арзуманян А.А., Кризис мирового капитализма на современном этапе, М., 1960.
• Арзуманян А.А., Борьба двух систем и мировое развитие, М., 1964.

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Երևանի պետական համալսարանի ռեկտորները, կազմող՝ Լ.Պ. Ղարիբջանյան, Երևանի համալս. հրատ., 1999, 152էջ:

Կենսագրական հանրագիտարան, Երևան, ԵՊՀ հրատարակչություն, 2009, էջ 25-26։

• Անուշավան Արզումանյան, ԵՊՀ պաշտոնական կայք:
• ԵՊՀ ռեկտորները, ԵՊՀ պաշտոնական կայք:
• Անուշավան Արզումանյան, կենսագրական: