Գագիկ Բ

Գագիկ Բ
Гагик Б
Այլ անուններ:	Բագրատունի
Անգլերեն:	Gagik B
Հայերեն:	Գագիկ Բ
Ծննդյան տարեթիվը:	1024
Մահվան տարեթիվը:	1079
Համառոտ տվյալներ: Հայոց թագավոր:

Կենսագրություն

Ծնվել է մոտ 1024թ.:

Մահացել է 1079թ.:

Գործունեություն

• 1042-1045թթ.՝ Հայոց թագավոր:
• Գահակալել է երկրի համար ծանր վիճակում, երբ Հովհաննես-Սմբատի մահից հետո Բյուզանդիան փորձել է գրավել վերջինիս կողմից 1023-ին կտակած Բագրատունիների տիրույթները՝ Անի մայրաքաղաքով:
• Հայոց զորքը և Անիի բնակչությունը Վահրամ Պահլավունու գլխավորությամբ պարտության են մատնել բյուզանդական զորքին և գահ բարձրացրել Աշոտ Դ-ի որդուն՝ 18-ամյա Գագիկ Բ-ին:
• Բյուզանդական կայսր Կոստանդին IX Մոնոմաքոսը բանակցելու պատրվակով Կոստանդնուպոլիս է հրավիրել Գագիկ Բ-ին, կալանավորել է նրան և հարկադրել հրաժարվել գահից:
• Իբրև փոխհատուցում՝ Գագիկ Բ-ն Կապադովկիայում ստացել է Պիզու ու Կալոն-Պեղատ փոքր քաղաքները:
• 1045թ.՝ բյուզանդական զորքերը նվաճել են Անին և կործանել Բագրատունիների թագավորությունը:
• 1065թ.՝ կայսր Կոստանդին X Դուկասի հրավիրած ժողովում Գագիկ Բ-ն պաշտպանել է Հայոց եկեղեցու դավանանքն ու ինքնուրույնությունը:

Այլ

• Գագիկ Բ եղել է կրթված, գրասեր անձնավորություն:
• Դավադրաբար սպանվել է Կնդռոսկավիս բերդի երեք հույն եղբայրների կողմից:
• Գագիկի մահվան վրեժը լուծել է Ռուբինյանների տոհմից Թորոս Ա իշխանը՝ սպանելով երեք եղբայրներին և հետ վերցնելով Գագիկի թագն ու այլ արքայական հարստությունները:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• Գագիկ Բ, ԵՊՀ Հայագիտական հետազոտությունների ինստիտուտ, Հայոց պատմություն:
• Գագիկ Բ Բագրատունու Պիզու քաղաքը: