Բաբայան Սամվել Անդրանիկի
Hayazg-ից
| Բաբայան Սամվել Անդրանիկի | |
| |
| Հայերեն: | Բաբայան Սամվել Անդրանիկի |
| Ծննդյան տարեթիվը: | 05.03.1965 |
| Ծննդավայրը: | Ստեփանակերտ, ԽՍՀՄ |
| Համառոտ տվյալներ: Ռազմական գործիչ | |
Բովանդակություն
Կենսագրություն
Ծնվել 1965թ. մարտի 5 -ին Արցախի Ստեփանակերտ քաղաքում:
Կրթություն
- 1972-1982թթ. ավարտել է Ստեփանակերտի` Եղիշե Չարենցի անվան թիվ 7 միջնակարգ դպրոցը:
Աշխատանքային գործունեություն
- 1983-1985թթ. ծառայել է Խորհրդային բանակում որպես տանկային գնդի հրետանային դիվիզիոնի հոտախուզական վաշտի հետախույզ:
- 1988-1989թթ. աշխատել է Ստեփանակերտի ««Ավտոտեխսպասարկում»» միավորումում:
- 1989-1991թթ. եղել է Արցախյան ազատամարտի գաղտնի ջոկատների հրամանատարներից, ղեկավարել է Ստեփանակերտի 2-րդ կամավորական ջոկատը, հանդիսացել է Կենտրոնական շտաբի անդամ, ԼՂՀ ինքնապաշտպանության ջոկատների հրամանատարի տեղակալ:
- 1992թ. մարտից մինչև օգոստոս եղել է ԼՂՀ նախարարների խորհրդի կից ինքնապաշտպանության կոմիտեի անդամ, ԼՂՀ զինված ուժերի հրամանատարի տեղակալ:
- 1992թ. օգոստոսից մինչև 1993թ. ապրիլը հանդիսացել է ԼՂՀ ինքնապաշտպանության խորհրդի նախագահի առաջին տեղակալ:
- 1993թ. ապրիլից մինչև նույն թվականի նոյեմբեր պաշտոնավարել է որպես Ինքնապաշտպանության խորհրդի նախագահի պաշտոնակատար:
- 1993թ. նոյեմբերից մինչև 1999թ. դեկտեմբեր եղել է ԼՂՀ Ինքնապաշտպանության բանակի հրամանատար:
- 1995թ. հունվարին, ի թիվս պետական այլ գերատեսչությունների, ԼՂՀ կառավարությունում ստեղծվել է պաշտպանության նախարարություն. ԼՂՀ պաշտպանության նախարար է նշանակվել ՊԲ հրամանատար Ս.Բաբայանը:
- 1999թ. հուլիսին Ս.Բաբայանն ազատվել է պաշտպանության նախարարի, իսկ դեկտեմբերին` Պաշտպանության բանակի հրամանատարի պաշտոններից:
Ձեռքբերումներ
- 1996թ. սեպտեմբերի 20-ին շնորհվել է գեներալ-լեյտենանտի հերթական զինվորական աստիճան:
- 1997թ. մայիսի 8-ին ԼՂՀ նախագահի թիվ 133 հրամանագրով ԼՂՀ պաշտպանության բանակի ստեղծման գործում մատուցած բացառիկ ծառայությունների և հայրենիքի պաշտպանության համար մղված մարտերում ցուցաբերած քաջության և անձնական արիության համար արժանացել է ««Արցախի հերոս»» բարձրագույն կոչման և պարգևատրվել «Ոսկե արծիվ» շքանշանով:
Այլ
- Սամվել Բաբայանի անմիջական ղեկավարությամբ մշակվել և կյանքի են կոչվել Ղարաբաղյան պատերազմում տեղի ունեցած գրեթե բոլոր պաշտպանողական և հարձակողական բնույթի ռազմագործողությունները, որոնց արդյունքում ոչ միայն ազատագրվել են հակառակորդի կողմից նախկինում բռնազավթված հայկական տարածքների մեծ մասը, այլև ոչնչացվել են թշնամական այնպիսի խոշոր ռազմակայաններ, ինչպիսիք են Քելբաջարը, Աղդամը, Ֆիզուլին, Ջեբրայիլը, Ղուբաթլուն, Զանգելանը և այլն:
- 1994թ. մայիսի 16-ին ՌԴ պաշտպանության նախարարի միջնորդությամբ` ադրբեջանա-ղարաբաղյան հակամարտության գոտում հրադադարի հաստատման շուրջ Մոսկվայում տեղի ունեցած բանակցություններին, Հայաստանի և Ադրբեջանի պաշտպանության նախարարների հետ կողք կողքի, որպես հակամարտության լիիրավ կողմ, ԼՂՀ շահերը ներկայացրել է ՊԲ հրամանատար Ս.Բաբայանը:
Նկարներ
Տեսանյութեր
- Ռազմական օպերացիայի քննարկում Սամվել Բաբայանի գլխավորությամ:
- Սամվել Բաբայանը՝ Շուշիի օպերացիայի մասին:
Հրապարակումներ մամուլում
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
- Սենոր Հասրաթյան, “Ոսկե արծիվ” շքանշանի ասպետները, Երևան, “Տիգրան Մեծ” հրատարակչություն, 2015:
- ՊԲ «Մարտիկ» պաշտոնաթերթ, թիվ 33, 1993 թ.:
