Շալյան Ժերար

Շալյան Ժերար
Шалян Жерар
Անգլերեն:	Shalyan Jerar
Հայերեն:	Շալյան Ժերար
Ծննդյան տարեթիվը:	1930
Համառոտ տվյալներ: Հրապարակախոս, քաղաքագետ, երկրառազմավարության մասնագետ (Ֆրանսիա):

Կենսագրություն

Ծնվել է 1930թ.:

Աշխատանքային գործունեություն

• 1980-1989թթ.՝ Ֆրանսիայի վարչական ազգային դպրոցի դասախոս:
• 1984թ.՝ Ֆրանսիայի արտաքին գործերի նախարարության կանխատեսումների և վերլուծությունների կենտրոնի խորհրդական:
• 1997-2000թթ.՝ Փարիզում Հակամարտությունների ուսումնասիրման եվրոպական կենտրոնի տնօրեն:

Ձեռքբերումներ

• Հարվարդի համալսարանի պրոֆեսոր (Բերկլի, ԱՄՆ):
• Հակամարտությունների և խաղաղության հետազոտություների կենտրոնի խորհրդի անդամ:
• Սիվիլիթաս հիմնադրամի խորհրդի անդամ:

Այլ

• 1964-2000թթ. նա իրականացրել է ավելի քան 12 տարածքային հետազոտություններ որպես դիտորդ Վիետնամում, Աֆղանստանում, Իրաքում, Լեռնային Ղարաբաղում, Շրի Լանկայում, Չեչնիայում, Պերուում և Քրդստանում: Նա զարգացրել է անհամաչափ հակամարտությունները բացատրող մի շարք տեսություններ և համակարգեր:
• Ժերար Շալյանը գրել է մոտ 40 գիրք, որոնցից 20-ը թարգմանվել է անգլերեն:
• Հրատարակության է պատրաստել (Կլեր Մուրադյանի և Ալիս Ասլանյան-Սամուելյանի աշխատակցությամբ) Ժողովուրդների մշտական ատյանի՝ 1984թ. ապրիլի 13-16-ին Փարիզում անցկացրած հայերի ցեղասպանությանը նվիրված հատուկ նստաշրջանի նյութերը՝ «Լռության հանցագործությունը։ Հայերի ցեղասպանությունը» վերտառությամբ: Գրքում, որի նախաբանը գրել է պրոֆեսոր Պիեո Վիդալ-Նակեն, վերջաբանը Շալյանը, զետեղված են Ֆրանսիայի, ԱՄՆ-ի, Մեծ Բրիտանիայի, Բելգիայի, Գերմանիայի մասնագետ-պատմաբանների ելույթները նստաշրջանում, ինչպես նաև զանգվածային կոտորածների ականատեսների վկայությունները: Ներկայացված բոլոր նյութերի ուսումնասիրման հիման վրա մշտական ատյանը որոշել է, որ «հայ բնակչության ոչնչացումը տեղահանության և կոտորածների միջոցով հանդիսանում է ցեղասպանության անվիճելի հանցագործություն 1948թ. դեկտեմբերի 9-ի Կոնվենցիայի իմաստով», և որ «երիտթուրքերի կառավարությունը հանցավոր է այդ ցեղասպանության մեջ»:

Նկարներ

• 

  «Լռության հանցանքը. Հայոց ցեղասպանություն»

Տեսանյութեր

• Ժերար Շալյանը կանխատեսում է:

Հրապարակումներ մամուլում

• ԺԵՐԱՐ ՇԱԼՅԱՆ. ԴԺՎԱՐ Է ԱՍԵԼ, ԹԵ ՈՎ ԿԱՋԱԿՑԻ ՂԱՐԱԲԱՂԻՆ:
• Ժերար Շալյան. Ռուսաստանը ղարաբաղյան հակամարտության հիմնական «դատավորն է»:
• Ֆրանսիայում վերահրատարակվել է «Լռության հանցանքը. Հայոց ցեղասպանություն» աշխատությունը:
• Армянское правительство не достойно своей страны - Жерар Шалян.

Մատենագիտություն

• Շալյան Ժ., Հայերի ցեղասպանությունը, 1980 (ֆրանս.):
• Շալյան Ժ., Հայերը ցեղասպանությունից մինչև դիմադրություն, 1983 (անգլ., համահեղինակ՝ հայոց ցեղասպանության հետազոտող, ֆրանսիացի բժիշկ Իվ. տերնոն):
• Շալյան Ժ., Համաշխարհային ռազմավարության անթալոգիա:
• Շալյան Ժ., Կեսդարյա ճանապարհորդություն:
• Շալյան Ժ., Ահաբեկչական բանակ:

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007: