Հովսեփյան Վռամ Միքայելի

Հովսեփյան Վռամ Միքայելի
Овсепян Врам Михайлович
Անգլերեն:	Hovsepyan Vram
Հայերեն:	Հովսեփյան Վռամ Միքայելի
Ծննդյան տարեթիվը:	15.05.1925
Ծննդավայրը:	Ներքին Թալին, Հայաստանի Հանրապետություն
Մահվան տարեթիվը:	21.11.1991
Մահվան վայրը:	Դաշտադեմ, Հայաստանի Հանրապետություն
Համառոտ տվյալներ: Բանաստեղծ, արձակագիր:

Կենսագրություն

Ծնվել է 1925թ մայիսի 15-ին Հայաստանի Հանրապետության Արագածոտնի մարզի Ներքին Թալին (այժմ՝ Դաշտադեմ) գյուղում:

Մահացել է 1991թ. նոյեմբերի 21-ին Հայաստանի Հանրապետության Արագածոտնի մարզի Դաշտադեմ գյուղում:

Կրթություն

• 1955թ. ավարտել է ԵՊՀ-ն:

Աշխատանքային գործունեություն

• 1955-1974թթ. աշխատել է «Հայգրքի» վարչությունում:
• Աշխատել է Հայպետհրատում:
• Աշխատել է «Մետաքսագործ» թերթի և «Պիոներ» ամսագրի խմբագրություններում:
• Աշխատել է հանրապետական ժողովրդական ստեղծագործության տանը։

Ձեռքբերումներ

• 1958թ.-ից՝ ԽՍՀՄ գրողների միության անդամ։

Այլ

• 1941-1945թթ. նա մասնակցել է Հայրենական մեծ պատերազմին և պարգևատրվել է շքանշաններով։
• Վռամ Հովսեփյանի առաջին բանաստեղծությունը տպագրվել է 1950 թվականին «Գրական թերթում», իսկ առաջին գիրքը («Արագածի լանջից» խորագրով)՝ 1956 թվականին:
• Վռամ Հովսեփյանը 17 գրքի հեղինակ է։
• Նա գրեթե բոլոր, այդ թվում նաև՝ անտիպ ժողովածուների ու գրքերի մասին դրականորեն են արտահայտվել ժամանակի անվանի մտավորականները՝ Գ. Մահարին, Հովհ. Շիրազը, Հ. Սահյանը և ուրիշներ։ Նա գրականության անխոնջ նվիրյալ էր։ Գրում էր Աստծո ամեն օր։
• Բանաստեղծությունների հիմնական թեման սերն է:
• Հեղինակ է նաև ակնարկների, վիպակի, նովելների, պատմվածքների:
• Գրել է նաև մանուկների համար:
• Վռամ Հովսեփյանի ծնողներն ու ողջ ազգուտոհմը 1915 թվականին բռնագաղթվել էին Մշո Ծղակ գյուղից։ Նա դաստիարակվել էր մշեցիների ավանդական նիստ ու կացով, նրանց հոգեբանությամբ և հանիրավի կորցրած բնօրրանը երբևիցե վերանվաճելու անկոտրում կամքով։ Նա իսկական մշեցի էր։ Ընկերներն այդպես՝ Մշեցի էին անվանում նրան։ Նա խոսում և գրում էր Մշո բարբառով։ Նրա ստեղծագործությունների բնօրինակները դեռևս կենդանության օրոք պահպանության են վերցվել ՀՀ պետական կենտրոնական արխիվի թիվ 145 ֆոնդում։

Մատենագիտություն

• Հովսեփյան Վ. Մ., Արագածի լանջին, բանաստեղծությունների ժողովածու, 1956:
• Հովսեփյան Վ. Մ., Ծափ և ծիծաղ, բանաստեղծությունների ժողովածու, 1971:
• Հովսեփյան Վ. Մ., Կանաչ մամուռ, բանաստեղծությունների ժողովածու, 1975:
• Հովսեփյան Վ. Մ., Տոհմածառ, բանաստեղծությունների ժողովածու, 1980:
• Հովսեփյան Վ. Մ., Կանաչ աշխարհ, բանաստեղծությունների ժողովածու, 1985:
• Հովսեփյան Վ. Մ., Տեղատարափ, 1984:
• Հովսեփյան Վ. Մ., Արևածագ, 1987:
• Հովսեփյան Վ. Մ., Դիմանկար, 1988:

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
• AV production: