Հովհաննես Սանդղկավանեցի
Hayazg-ից
| Հովհաննես Սանդղկավանեցի | |
| Оганес Сандхкаванеци | |
| |
| Անգլերեն: | Hovhannes Sandghkavaneci |
| Հայերեն: | Հովհաննես Սանդղկավանեցի |
| Համառոտ տվյալներ: 11-րդ դարի կեսի գրիչ և մանրանկարիչ։ | |
Այլ
- Ստեղծագործել է Արշարունյաց գավառի Սանդղկա վանքում (Երասխաձոր, Կաղզվանի մոտ)։
- Նրանից մեզ հայտնի երեք ձեռագրերն էլ պահվում են Մատենադարանում։
- 1053թ. Ավետարանը (ձեռ․ № 3793) գրվել ու նկարազարդվել է Սանդղկա վանքում։
- Երկրորդի՝ «Մողնու Ավետարան»-ի (ձեռ․ № 7736) ընդօրինակման թվականը և տեղն անհայտ են։
- Այն ճոխ նկարազարդված է տերունական նկարներով, գլխազարդերով և զարդագրերով, իսկ առաջինը՝ նաև լուսանցազարդերով։
- Հայ գրչության արվեստում փաստորեն առաջին անգամ լուսանցազարդի, գլխազարդերի և զարդագրերի հանդիպում ենք այս ձեռագրերում, որտեղ գիրը, նկարը և գրանյութն արտակարգ ներդաշնակության մեջ են։
- Երկուսն էլ մագաղաթե, երկաթագիր Ավետարաններ են։ Երրորդ ձեռագրի (հայտնի է «Բեգունց Ավետարան» անունով, ձեռ․ № 10099) միայն լուսանցազարդերն է ծաղկել Հովհաննեսը 1060թ.։
Նկարներ
Ընդօրինակություն 11-րդ դարի Մուղնու ավետարանի «Հոգեգալուստ,Հովհաննես Սանդղկավանեցի» մանրանկարի (11-րդ դար)
Տե՛ս նաև
- Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
- Հայաստանի ազգային պատկերասրահ:
