Գրիգորյան Սասուն Խաչիկի

Գրիգորյան Սասուն Խաչիկի
Григорян Сасун Хачикович
Անգլերեն:	Grigoryan Sasun
Հայերեն:	Գրիգորյան Սասուն Խաչիկի
Ծննդյան տարեթիվը:	01.06.1946
Ծննդավայրը:	Վերին Սասնաշեն, Հայաստանի Հանրապետություն
Համառոտ տվյալներ: Վիրաբույժ:

Կենսագրություն

Ծնվել է 1946թ. հունիսի 1-ին Հայաստանի Խորհրդային Հանրապետության Արագածոտնի մարզի Վերին Սասնաշեն գյուղում:

Կրթություն

• Ոսկե մեդալով ավարտել է միջնակարգ դպրոցը:
• 1969թ. ավարտել է Երևանի բժշկական ինստիտուտը (ԵԲԻ):
• 1989-1991թթ. սովորել է Մոսկվայի ԲԳԱ Ա.Վ. Վիշնևսկու անվան վիրաբուժության ինստիտուտի դոկտորանտուրայում:

Աշխատանքային գործունեություն

• 1971թ.-ից աշխատում է ԵԲԻ ընդհանուր վիրաբուժության ամբիոնում:
  • 2000-2008թ.՝ ամբիոնի վարիչ և վիրաբուժության կլինիկայի ղեկավար:
• 1991-1993թթ.՝ ԵՊԲՀ բժշկական ֆակուլտետի դեկանի տեղակալ:
• 1993-2000թթ.՝ դեկան:
• 1997թ.-ից՝ ՀՀ ԱՆ պրոֆեսոր Յոլյանի անվան արյունաբանության կենտրոնի կոնսուլտանտ վիրաբուժության գծով:
• 2008թ.-ից՝ Կրթության միջազգային ակադեմիայի և «Հայբուսակ» համալսարանի գիտական քարտուղար:

Ձեռքբերումներ

• 1991թ.՝ բժշկական գիտությունների դոկտոր:
• 1993թ.՝ պրոֆեսոր:
• 1998թ.՝ ՌԴ բնական ԳԱ ակադեմիկոս:
• 2000թ.՝ ԵՊԲՀ «Ոսկե մեդալ» անբասիր գիտամասնական և վարչական աշխատանքի համար:
• 2004թ.՝ Բնական գիտությունների եվրոպական ակադեմիայի հուշամեդալ (Գերմանիա):
• 2005թ.՝ Պաուլ Էռլիխի անվան դիպլոմ և ոսկե մեդալ (Բնական գիտությունների եվրոպական հանձնաժողով, Գերմանիա, ք. Հանովեր):
• 2005թ.՝ ՌԴ բժշկատեխնիկական գիտությունների ակադեմիկոս:
• 2011թ.՝ Բնական գիտությունների եվրոպական ակադեմիայի ակադեմիկոս:

Այլ

• 1974-1984թթ. ՀՀ-ում առաջինն է կիրառել որովայնադիտման (լապարոսկոպիա) եղանակը, մշակել պարբերական հիվանդության վիրաբուժական հիմնախնդիրները, ինչպես նաև վիրաբուժական թարախային վարակի կանխարգելման և բուժման եղանակներ:
• Վիրաբուժական գործունեությունը նվիրված է ստամոքսի, աղիների, լյարդի, լեղուղիների, պանկրեասի, փայծաղի տարբեր հիվանդություններին, այդ օրգանների ուռուցքներին, ճողվածքներին, վահանագեղձի և կրծքագեղձերի վիրաբուժությանը, արյան համակարգի հիվանդությունների և երակների վիրաբուժությանը:
• 2001թ. Հայաստանում դարձյալ առաջինն է կատարել փայծաղի հեռացումը /սպլենէկտոմիա/ ոչ սովորական վիրահատական մուտքով` կրծքավանդակի միջով /կրծքաստոծանիական մուտքով/ արյան համակարգի որոշ հիվանդությունների ժամանակ:
• Գիտական աշխատանքները նվիրված են ստամոքսի և 12 մ.ա. խոցային հիվանդությանը և ուռուցքներին, լեղաքարային հիվանդությանը, լյարդի էխինոկոկոզին, մեխանիկական դեղնությանը, ստամոքս-աղիքային արյունահոսություններին, հեմատոլոգիական հիվանդություններին, աղիքային անանցանելիությանը, ենթաստամոքսագեղձի հիվանդություններին, որովայնի օրգանների ուռուցքներին և տրավմատիկ վնասվածքներին, ճողվածքներին, պերիտոնիտներին, լապարոսկոպիային, թարախային վիրաբուժական վարակներին, պարբերական հիվանդությանը, խպիպին, կրծքագեղձի բորբոքային և ուռուցքային հիվանդություններին, երակների վիրաբուժությանը:
• Հեղինակ է շուրջ 240 հրապարակված գիտական աշխատանքների, 6 ուսումնական ձեռնարկների, 18 մեթոդական ցուցումների, 16 գյուտարարական առաջարկությունների:
• Նրա ղեկավարությամբ պաշտպանվել են 3 թեկնածուական դիսերտացիաներ: Գիտական զեկուցումներով հանդես է եկել հանրապետական, ԱՊՀ երկրների և միջազգային /Թուրքիա, Իսրայել, Իսպանիա, Գերմանիա, ԱՄՆ, Ֆրանսիա/ գիտաժողովներում, սիմպոզիումներում և կոնֆերանսներում

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• Սասուն Գրիգորյան, Doctors.am:
• Григорян Сасун Хачикович, Энциклопедия Европейской академии естественных наук.